Քաղաքական դասընթացների երևանյան դպրոցը (ՔԴԵԴ) ամենաակտիվ մասնակցությունն է ունեցել ստրասբուրգյան սեմինարներին, ինչը բազմիցս գոհունակությամբ մատնանշվել է ԵԽ Քաղաքական տնօրինության կողմից: Ստրասբուրգյան սեմինարներում դասախոսություններով հանդես են եկել ԵԽ Գլխավոր քարտուղար Թերի Դեյվիսը, Սերբիայի նախագահ Բորիս Թադիչը, Բաց հասարակության հիմնադրամի տնօրեն Ջորջ Սորոսը, ԵԽ նախկին Գլխավոր քարտուղար Դանիել Տարշիսը, Բուլղարիայի վարչապետ Սերգեյ Ստանիշևը (Մոսկվայի դպրոցի շրջանավարտ), Կանադայի նախկին վարչապետ Կիմ Քամփբելը, Սլովենիայի նախկին նախագահ Միլան Կուչանը, Նոբելյան մրցանակի դափնեկիր Ջոն Հյումը, Ռուսաստանի Դաշնային խորհրդի միջազգային հարաբերությունների հանձանաժողովի նախագահ Միխայիլ Մարգելովը, Փարիզի Ռոբերտ Շումանի հաստատության նախագահ Ժան-Դոմինիկ Ջուլիանին, Սերբիայի պառլամենտի նախագահ Օլիվեր Դուլիչը (Բելգրադի դպրոցի շրջանավարտ) և այլք:
Բացի ստրասբուրգյան սեմինարներից (2006 և 2007 թթ.), ՔԴԵԴ-ի պատվիրակությունը հաջողությամբ մասնակցել է նաև եվրոպական համանման դպրոցների կոնֆերանսներին. ԵԽ-ում Ռումինիայի նախագահության ավարտին, Բուխարեստում (2006 գարուն), Սոֆիայում (2007 գարուն), ԵԽ-ում Սերբիայի նախագահության ավարտին Բելգրադում (2007 աշուն): Դպրոցի շրջանավարտներն իրենց ուսումնասիրություններն են ներկայացրել նաև ոչ կառավարական կազմակերպությունների միջազգային տարբեր ֆորումներում. Ստրասբուրգ (2006), Ստոկհոլմ և Լվով (2007):
ԳԼԽԱՎՈՐ ԷՋ / Քաղաքական Դասընթացների Երևանյան Դպրոց`